Bakı. Trend:
Kür çayında çimərkən batmaq təhlükəsi ilə üzləşən 2 nəfər xilas edilib.
Trend-in Fövqəladə Hallar Nazirliyinin saytına istinadən verdiyi məlumata görə, Nazirliyin Dövlət Sularda Xilasetmə Xidmətinə, Şirvan şəhərində 2 nəfərin Kür çayında çimərkən batmaq təhlükəsi ilə üzləşməsi barədə məlumat daxil olub.
Dərhal Xidmətin xilasediciləri hadisə yerinə cəlb olunaraq vətəndaşları sudan çıxarıb və aidiyyati üzrə təhvil veriblər.
Əməliyyat saat 17:20-də başa çatıb.