Bakı. Trend:
Zərdab rayonunda yol qəzası baş verib.
Fövqəladə Hallar Nazirliyindən (FHN) Trend-ə verilən məlumata görə, rayonun Otmanoba kəndində “KAMAZ” markalı yük avtomobili ilə “VAZ" markalı minik avtomobilin toqquşması nəticəsində yol nəqliyyat qəzası baş verib.
Dərhal Fövqəladə Hallar Nazirliyinin Yanğından Mühafizə Xidmətinin yanğınsöndürən-xilasediciləri hadisə yerinə cəlb olunaraq minik avtomobilində sıxılmış vəziyyətdə qalmış 1976-cı il təvəllüdlü Rzayev Qabil Qaybalı oğlunun cəsədini çıxararaq aidiyyatı üzrə təhvil veriblər. Əməliyyat saat 19:25-də başa çatıb.