...

Qobustanda torpaq sürüşməsi (FOTO)

Hadisə Materials 12 Noyabr 2016 18:41 (UTC +04:00)
Torpaq sürüşməsi bu dəfə Qobustan rayonunda qeydə alınıb
Qobustanda torpaq sürüşməsi (FOTO)

Bakı. Trend:

Torpaq sürüşməsi bu dəfə Qobustan rayonunda qeydə alınıb.

"ARB Şəki"dən Trend-ə verilən məlumata görə, rayonun Çuxanlı kəndində ötən illərdə yaşanan torpaq uçqunu bir həftədir ki, yenidən aktivləşib. Ərazidə mövcud olan sürüşmə zolağı miqyasca böyük olsa da sonuncu sürüşmə nöqtəsində 1-2 metrlik yarğanlar yaranıb. Yağışlardan sonra yamaclarda kiçik yarğanlar əmələ gəlib.

Sürüşmə zolağının üzərində bir ev yerləşir. Ev sahibinin sözlərinə görə, torpaq qatının altında çox sayda qurunt suları yığılıb ki, bu da sürüşmələrə səbəb olur. Sürüşmə bu cür davam edərsə, yaxınlıqdakı ev təhlükə artına düşə bilər. Qarşısı alına bilməyən torpaq qatı yuxarıdan evə doğru hərəkət edir. Mövcud problemlə bağlı rayon FHK -na məlumat verlib.

Xatırladaq ki, sonuncu dəfə həmin ərazidə 2010-cu ildə böyük uçqunlar qeydə alınıb.

Məqalədə:
Xəbər lenti

Xəbər lenti