Bakı. Samir Əli - Trend:
Bayram günlərində Bakı şəhərində 8 yol qəzası baş verib.
Bunu Trend-ə Bakı Şəhər Baş Polis İdarəsinin Dövlət Yol Polisi İdarəsinin ictimai qurumlarla əlaqə bölməsinin rəisi, polis polkovniki Vaqif Əsədov deyib.
Onun sözlərinə görə, dekabrın 31-dən yanvarın 5-dək baş verən yol qəzaları nəticəsində 4 nəfər ölüb, 10 nəfər xəsarət alıb: "2 ölüm hadisəsi piyadanın vurulması, digər iki ölüm hadisəsi isə avtomobilin maneəyə çırpılması nəticəsində baş verib".