Bakı. Trend:
Cəlilabadda yanğın qeydə alınıb.
Trend Fövqəladə Hallar Nazirliyinə (FHN) istinadən xəbər verir ki, Cəlilabad rayonu, Maşlıq kəndində vətəndaşa məxsus ümumi sahəsi 80 m2 olan talvarın yanar konstruksiyaları 4 m2 sahədə, altına yığılmış 4 ton ot bağlamasının 1,5 tonu, və talvara bitişik ümumi sahəsi 144 m2 olan birmərtəbəli, 3 otaq və aynabənddən ibarət evin dam örtüyünün yanar konstruksiyaları 2 m2 sahədə yanıb.
Evin, talvarın və ot bağlamasının qalan hissəsi yanğından mühafizə olunub.
Yanğın saat 02:24-də yanğınsöndürənlər tərəfindən söndürülüb.