Bakı. Trend:
Sabirabad rayonunda ağır yol qəzası baş verib.
Daxili İşlər Nazirliyindən Trend-ə verilən məlumata görə, iyulun 11-də saat 01 radələrində Sabirabad rayonunun Sərxanbəyli kəndi ərazisində kənd sakinləri Emil Dövlətovun idarə etdiyi "VAZ-2107" markalı avtomobillə Vüsal Abdullayevin idarə etdiyi motosiklet toqquşub.
Nəticədə V.Abdullayev və 1 sərnişini, habelə E.Dövlətovun 2 sərnişini xəstəxanaya yerləşdirilib, V.Abdullayev orada ölüb.
Sabirabad rayon Polis Şöbəsi tərəfindən araşdırma aparılır.