Bakı. Trend:
Türkiyədə Çindən gətirilən 19 ton uşaq oyuncağı İstanbul polisinin keçirdiyi xüsusi əməliyyat nəticəsində müsadirə edilib.
Bu barədə Trend Türkiyə KİV-lərinə istinadən məlumat verir.
Məlumata əsasən, oyuncaqların xüsusi laboratoriya şəraitində yoxlanılması nəticəsində idxal edilən bir çox oyuncaqlarda ağır metallar və kanserogen maddələr aşkar edilib.
Laboratoriya şəraitində aparılan yoxlama nəticəsində o da bəlli olub ki, oyuncaqların rənglədilməsində istifadə olunan boya dəri və gön məmulatlarının rənglədilməsində istifadə olunur.
Bildirilir ki, ölkəyə idxal edilən oyuncaqlar qapalı şəraitdə yandırılaraq məhv ediləcək.
Faktla bağlı araşdırma aparılır.