...

Sumqayıtda yaşayış evinin qarşısında 5 ədəd top mərmisi tapılıb (FOTO)

Hadisə Materials 15 Fevral 2018 16:42 (UTC +04:00)
Sumqayıtda “Beton zavod” adlanan ərazidə top mərmiləri aşkarlanıb.
Sumqayıtda yaşayış evinin qarşısında 5 ədəd top mərmisi tapılıb (FOTO)

Bakı. Trend:

Sumqayıtda “Beton zavod” adlanan ərazidə top mərmiləri aşkarlanıb.

Ərazilərin Minalardan Təmizlənməsi üzrə Milli Agentlikdən (ANAMA) Trend-ə verilən xəbərə görə, Fövqəladə Hallar Nazirliyinin Böhran Vəziyyətlərində İdarəetmə mərkəzindən və Daxili İşlər Nazirliyinin ″102″ Xidməti-Zəng mərkəzi sistemindən agentliyə Sumqayıt şəhəri, “Beton zavod” adlanan ərazidə 1 ədəd mərminin tapılması barədə məlumatlar daxil olub.

məlumatlara əsasən agentliyin xüsusi mobil çevik əməliyyat qrupu dərhal həmin əraziyə göndərilib.

Agentliyin mütəxəssisləri tərəfindən yuxarıda adı qeyd olunmuş ərazidə fərdi yaşayış evinin qarşısına baxış keçirilib, aparılan təcili təxirəsalınmaz operativ əməliyyat axtarış tədbirləri nəticəsində 5 ədəd top mərmisi (boş) aşkar olunmuş, götürülərək Agentliyin mərkəzi məhvetmə ərazisinə daşınıb.

Aşkar olunmuş mərmilərin ətrafında 150 kv.m əraziyə yerüstü baxış keçirilib, bundan əlavə təhlükəli əşya və qurğu aşkar edilməyib.

Məqalədə:
Xəbər lenti

Xəbər lenti