Bakı. Trend:
Hindistanın cənubundakı Tekinqana ştatında fişəng fabrikində partlayış baş verib.
Trend-in məlumatına görə, hadisə nəticəsində azı 10 nəfər həlak olub.
Partlayışdan sonra müəssisədə güclü yanğın başlayıb. İnsident nəticəsində çox sayda yaralıların olduğu bildirilir.
Xilasedicilər ölü sayının artacağını istisna etmir.
Fabrikdə yanğınla nəticələnən partlayışın hansı şəraitdə baş verməsi hələ dəqiq məlum deyil. Hadisə ilə əlaqədar araşdırma aparılır.
Trend-in ən mühüm və maraqlı xəbərlərini "Telegram"da izləyin
