...

Bakıda tanışını öldürməyə cəhd edən şəxsin işi məhkəməyə göndərildi

Hadisə Materials 23 Fevral 2022 10:49 (UTC +04:00)
Bakıda tanışını öldürməyə cəhd edən şəxsin işi məhkəməyə göndərildi

Bakı. Samir Əli - Trend:

2021-ci il oktyabrın 25-də paytaxtın Nərimanov rayon sakini Tural Heydərovun kəsilmiş-deşilmiş xəsarətləri alması faktı üzrə Cinayət Məcəlləsinin müvafiq maddəsi ilə başlanmış cinayət işi üzrə istintaq tamamlanıb.

Nərimanov rayon prokurorluğundan Trend-ə verilən məlumata görə, Nərimanov rayon prokurorluğunda aparılmış istintaq zamanı müəyyən edilib ki, zərərçəkmişin tanışı Şükran Əliyev şəxsi münasibətlər zəminində aralarında yaranmış mübahisə zamanı Tural Heydərova məişət təyinatlı bıçaqla vuraraq müxtəlif dərəcəli bədən xəsarətləri yetirərək onu qəsdən öldürməyə cəhd edib.

Şükran Əliyev Cinayət Məcəlləsinin 29, 120.1-ci (adam öldürməyə cəhd) maddəsi ilə təqsirləndirilən şəxs qismində cəlb edilərək barəsində məhkəmənin qərarı ilə həbs qətimkan tədbiri seçilib.

Cinayət işi baxılması üçün aidiyyəti üzrə Bakı Ağır Cinayətlər Məhkəməsinə göndərilib.

Məqalədə:
Xəbər lenti

Xəbər lenti