...

FHN İsmayıllı, Qəbələ, Oğuz və Zaqataladakı yanğınlarla bağlı məlumat yayıb (VİDEO)

Hadisə Materials 4 Sentyabr 2022 20:14 (UTC +04:00)
FHN İsmayıllı, Qəbələ, Oğuz və Zaqataladakı yanğınlarla bağlı məlumat yayıb (VİDEO)

Bakı. Trend:

Fövqəladə Hallar Nazirliyi tərəfindən həyata keçirilmiş zəruri və təxirəsalınmaz tədbirlər sayəsində İsmayıllı rayonunun Bəhliyan kəndi istiqamətində baş vermiş yanğın söndürülüb.

Fövqəladə Hallar Nazirliyindən Trend-ə bildirilib ki, yanğın nəticəsində təxminən 30 hektar sahədə kol-kos yanıb, ətraf ərazilər yanğından mühafizə olunub.

Bununla yanaşı, Qəbələ rayonunun Tikanlı kəndi və Oğuz rayonunun Baş Daşağıl kəndi istiqamətində baş vermiş yanğınlarla mübarizə tədbirləri davam etdirilir.

Həmçinin, Zaqatala rayonunun Yuxarı Tala kəndi istiqamətindəki yanğınla əlaqədar hazırda tüstü mənbələrinin tam söndürülməsi üzrə tədbirlər davam etdirilir.

Məqalədə:
Xəbər lenti

Xəbər lenti