İlin sonuna qədər Azərbaycanın 20 rayonunda sel və daşqınların qarşısının alınması üzrə layihələrin həyata keçirilməsi nəzərdə tutulur. Bu barədə Trend agentliyinə Azərbaycanın Nazirlər Kabinetindən bildiriblər.
Layihələr Asiya İnkişaf Bankının ayırdığı 23 milyon dollar məbləğində güzəştli kredit vəsaitləri hesabına həyata keçiriləcək. Həmçinin 20 rayonda - dağ çaylarında və ovalıqlarda bəndlərin tikintisi və sahillərin bərkidilməsi üzrə işlərin aparılması nəzərdə tutulur.
Yaxın zamanlarda ekspertlər layihənin hazırlanmasına başlayacaqlar. Nazirlər kabinetindən veriən məlumata görə, Şəki rayonunun Şin çayı üzərində körpünün inşası başa çatıb. Bu layihənin həyata keçirilməsi üçün dövlət büdcəsindən 8 mlrd manat ayrılıb. Bu vəsait hesabına həmçinin yol da salınıb.