Oktyabrın 17-də "Əzizbəyov" metrostansiyasından H.Əliyev adına Beynəlxalq Hava Limanına gedən yolda iki ədəd qumbara tapılıb. Bu faktı Trend ə Əzizbəyov rayon Polis İdarəsinin növbətçi hissəsindən də təsdiqləyiblər.
İki ədəd "F-1" tipli əl qumbarası polis əməkdaşları tərəfindən hava limanına gedən yolun sağ tərəfindəki ağaclıqdan tapılıb. Qumbaralar sellofana bükülü vəziyyətdə olub. Hazırda Əzizbəyov rayon Polis İdarəsində tapılmış qumbaralarla bağlı araşdırma aparılır.