Mayın 24-də Goranboyda qatarla hərbi yük maşınının toqquşması nəticəsində yaralanmış 7 hərbçi Gəncədəki hərbi hospitala yerləşdirilib. Bu barədə Trend ə Azərbaycan Respublikası Müdafiə Nazirliyinin mətbuat mərkəzinin rəis əvəzi İlqar Verdiyev məlumat verib.
İ.Verdiyevin sözlərinə görə, əsgərlər Goranboydakı N saylı hərbi hissədə qulluq edirlər. Hadisə əsgərlərin öz xidmətlərini yerinə yetirərkən baş verib. Yaralı əsgərlər həkimlərin ciddi nəzarəti altındadır.
Toqquşma nəticəsində qatarın 6 vaqonu aşıb, faktla bağlı cinayət işi başlanıb və hazırda təqsirkar müəyyənləşdirilir.