Azərbaycan, Bakı / Trend müxbir K. Zərbalıyeva/ Xalq şairi Cabir Novruzun oğlu, Abşeron rayonunun keçmiş icra başçısı Mirzə Novruzov yol qəzasında həlak olub. Abşeron Rayon Polis İdarəsinin növbətçi hissəsindən şənbə günü Trend ə verilən məlumata görə, Novruzov Novxanıya gedərkən idarə etdiyi "Hunday Sonata" Masazır gölünün yaxınlığında yoldan çıxaraq aşıb. Novruzov aldığı xəsarətdən yerində keçinib. Avtomobildə mərhumun tək olduğu bildirilir.
Faktla bağlı Abşeron Rayon Polis İdarəsinin istintaq şöbəsində cinayət işi açılıb, istintaq aparılır.