Azərbaycan, Bərdə / Trend müxbir K. Zərbalıyeva/ İnsan alveri ilə məşğul olan Gəncə şəhər sakini tutulub. Şənbə günü Daxili İşlər Nazirliyindən bildirilib ki, nazirliyin İnsan Alverinə Qarşı Mübarizə İdarəsi əməkdaşlarının keçirdikləri əməliyyat tədbirləri nəticəsində Gəncə şəhər sakini Turə Rəcəbovanın insan alveri ilə məşğul olaraq, gəlir əldə etmək məqsədilə qadınları Türkiyəyə aparıb cinsi istismara məruz qoyması müəyyənləşib. Faktla bağlı cinayət işi açılıb. İstintaq Rəcəbovanın qanunsuz hərəkətlərinin qurbanlarının dairəsini müəyyənləşdirir.