...

İri tütün şirkəti işçilərinə siqaret çəkməyi qadağan edəcək

Maraqlı Materials 23 Oktyabr 2014 20:19 (UTC +04:00)
ABŞ-ın "Reynolds American" tütün şirkəti əməkdaşlarına iş yerində siqaret çəkməyi qadağan edəcək.
İri tütün şirkəti işçilərinə siqaret çəkməyi qadağan edəcək

Azərbaycan, Bakı, 23 oktyabr /Trend/

ABŞ-ın "Reynolds American" tütün şirkəti əməkdaşlarına iş yerində siqaret çəkməyi qadağan edəcək.

Trend-in xarici KİV-ə istinadən verdiyi məlumata görə, qadağa gələn il yanvarın 1-dən qüvvəyə minəcək. "Camel" siqaretinin istehsalçısı qadağanı siqaret çəkməyən işçilərin qayğısına qalma ilə izah edib.

Hazırda şirkət əməkdaşları iş yerlərində, konfrans zallarında, liftlərdə və dəhlizlərdə siqaret və siqar çəkə bilərlər.

Məlumata görə, qadağa elektron siqaretlərə və çeynənən tütünə şamil edilməyəcək. Qeyd edək ki, "Reynolds American" şirkəti "Camel", "Winston", "Lucky Strike", "More", "Viceroy", "Pall Mall" və digər siqaretlər istehsal edir.

Məqalədə:
Xəbər lenti

Xəbər lenti