Azərbaycan, Bakı, 29 dekabr / Trend /
Ermənistan Silahlı Qüvvələrinin bölmələri dekabrın 28-də saat 15.30-dan 15.40-dək Goranboy rayonunun ərazisindəki adsız yüksəkliklərdə yerləşən mövqelərdən;
- saat 23.15-dən 00.00-dək Cəbrayıl rayonunun Cocuqmərcanlı kəndi yaxınlığında yerləşən mövqelərdən;
- saat 22.45-dən 22.50-dək, 23.30-dan 00.15-dək, dekabrın 28-də saat 03.55-dən 04.05-dək Füzuli rayonunun Qorqan, Aşağı Əbdülrəhmanlı və Horadiz kəndləri yaxınlığında yerləşən mövqelərdən;
- saat 00.35-dən 00.45-dək Tərtər rayonunun Çiləbürt kəndi yaxınlığında yerləşən mövqelərdən;
- saat 01.00-dan 01.20-dək və 03.40-dan 03.55-dək Ağdam rayonunun Sarıcalı və Şürəbad kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Bu haqqda Azərbaycan Respublikası Müdafiə Nazirliyinin mətbuat xidməti məlumat verib.
Bütün hallarda düşmən cavab atəşi ilə susdurulub.
İtki yoxdur.