Prezident İlham Əliyev 2010-cu il aprelin 14-də Moskva şəhərində imzalanmış "Azərbaycan Respublikası Müdafiə Nazirliyi və Tacikistan Respublikası Müdafiə Nazirliyi arasında Tacikistan Respublikası Müdafiə Nazirliyinin hərbi qulluqçularının Azərbaycan Respublikası Müdafiə Nazirliyinin ali hərbi təhsil müəssisələrində təhsil alması haqqında Saziş"in təsdiq edilməsi barədə sərəncam imzalayıb. Məlumatı çərşənbə günü AzərTAc dövlət informasiya agentliyi yayıb.
Sərəncama əsasən, Azərbaycan Respublikasının Müdafiə Nazirliyinə sazişin həyata keçirilməsini təmin etmək tapşırılıb.
Xarici İşlər Nazirliyinə sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Tacikistan Respublikası tərəfini xəbərdar etmək tapşırılıb.