Azərbaycan, Bakı, 6 iyul /Trend, müxbir T.Hacıyev/
Ermənistan silahlı qüvvələrinin bölmələri iyulun 5-i və 6-da bir neçə istiqamətdə Azərbaycan Milli Ordusunun mövqelərini atəşə tutub.
Müdafiə Nazirliyi mətbuat xidmətindən çərşənbə axşamı Trend-ə bildiriblər ki, Ermənistan silahlı qüvvələri iyulun 5-i saat 06:30-dan 06:50-dək, saat 22:45-dən 23:00-dək; iyulun 6-da saat 00:45-dən 01:10-dək Füzuli rayonu ərazisindəki adsız yüksəkliklərdə, Aşağı Əbdülrəhmanlı və Qorqan kəndləri yaxınlığında yerləşən mövqelərdən; saat 12:30-dan 12:35-dək Xocavənd rayonu ərazisindəki adsız yüksəkliklərdə yerləşən mövqelərdən; saat 13:40-dan 13:45-dək Göygöl rayonu ərazisindəki adsız yüksəkliklərdə yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
İyulun 6-da saat 00:30-dan 00:45-dək Goranboy rayonu ərazisindəki adsız yüksəkliklərdən, Gülüstan və Tapqaraqoyunlu kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutublar.
Düşmən cavab atəşi ilə susdurulub. İtki yoxdur.