Azərbaycan, Bakı, 9 iyul /Trend, müxbir A.Qasımova /
Rusiyanın xarici işlər nazirinin müavini Qriqori Karasin Dağlıq Qarabağ münaqişəsinin Karneqi Fondunun vitse-prezidenti Ceyms Kollinzlə Moskvada müzakirə edib. RF XİN məlumat verib.
Karasin ABŞ-ın Rusiyadakı keçmiş səfiri Kollinzin başçılıq etdiyi təhlükəsizlik sahəsində Avroatlantik təşəbbüsləri komissiyasının üzvlərini və ekspertlərini qəbul edib.
Görüş zamanı Dağlıq Qarabaq və Dnestryanı ətrafında nizamlanmamış münaqişələr, eləcə də Cənubi Qafqazdakı ümumi vəziyyətlə bağlı fikir mübadiləsi aparılıb.
İki Cənubi Qafqaz ölkəsi arasında münaqişə 1988-ci ildə Ermənistanın Azərbaycana qarşı ərazi iddiası irəli sürməsi zəminində yaranıb. Azərbaycan torpaqlarının iyirmi faizi, yəni Dağlıq Qarabağ ərazisi və bu əraziyə bitişik yeddi rayon Ermənistan Silahlı Qüvvələrinin işğalı altındadır. 1994-cü ildə tərəflər atəşkəs rejiminə dair razılaşma əldə ediblər və o vaxtdan bəri ATƏT-in Minsk qrupunun himayəsi altında, Rusiya, Fransa və ABŞ-ın həmsədrliyi ilə hələ də nəticəsiz sülh danışıqları aparılır.
BMT Təhlükəsizlik Şurasının Dağlıq Qarabağ və ətraf rayonların azad edilməsinə dair qəbul etdiyi dörd qətnaməni Ermənistan bu günə qədər yerinə yetirməyib.