Azərbaycan, Bakı, 11 iyun /Trend, müxbir K.Zərbalıyeva/
Azərbaycan Silahlı Qüvvələrinin iki zabiti minaya düşüb.
Müdafiə Nazirliyinin mətbuat xidmətindən Trend-ə bildirilib ki, Goranboy rayonu istiqamətində zabitlər Zahir Məmmədov və İlqar Verdiyev minaya düşüb.
Hər iki zabit hospitala yerləşdirlib, vəziyyətləri stabildir.
Qeyd edək ki, Məmmədov N saylı hərbi hissənin mühəndis-istehkam xidmətinin rəisi, Verdiyev isə həmin hərbi hissənin mühəndis-istehkam bölüyünün komandiridir.
Verdiyevin bir qolu amputasiya olunub, Məmmədov isə ayağını itirib.
Verdiyev əvvəllər Müdafiə Nazirliyində mətbuat xidmətinin rəis müavini vəzifəsində çalışıb. Daha sonra Goranboydakı hərbi hissənin mühəndis-istehkam bölüyünün komandiri olub.