Azərbaycan, Bakı, 25 iyun /Trend, müxbir E.Mehdiyev/
Ermənistan silahlı qüvvələri bazar günü və bu gecə bir neçə istiqamətdə atəşkəs rejimini pozub.
Müdafiə Nazirliyinin mətbuat xidmətindən Trend-ə bildiriblər ki, Erməni silahlı bölmələri dünən və bu gecə Ermənistan Respublikasının Noyenberyan rayonunun Barekamavan, işğal olunmuş Ağdam rayonunun Baş Qərvənd, Yusifcanlı, Şıxlar, Cəvahirli, Cəbrayıl rayonunun Mehdili, Tərtər rayonunun Göyarx kəndləri yaxınlığında və Goranboy rayonunun ərazisindəki adsız yüksəkliklərdə yerləşən mövqelərdən atəşkəs rejimini pozublar.
Düşmən cavab atəşi ilə susdurulub.