Azərbaycan, Bakı, 29 avqust /Trend, müxbir M.Əliyev/
Azərbaycanın işğal olunmuş Dağlıq Qarabağ ərazisində son günlər hərbi təlimlərin keçirilməsi Ermənistanın aqressiv siyasətinin göstəricisidir. Trend-in məlumatına görə, bunu çərşənbə günü jurnalistlərə açıqlamasında Azərbaycan Xarici İşlər Nazirliyinin mətbuat katibi Elman Abdullayev bildirib.
O vurğulayıb ki, dünya birliyi bu beynəlxalq hüquqa zidd hərəkətlərə laqeyd yanaşır.
Qeyd edək ki, Ermənistan silahlı qüvvələri son vaxtlar Azərbaycanın işğal olunmuş ərazilərində intensiv hərbi təlimlər keçirirlər.