Azərbaycan, Bakı, 5 oktyabr /Trend, müxbir E.Tariverdiyeva/
Yunanıstan Dağlıq Qarabağ münaqişəsinin həllində ATƏT-in Minsk qrupunun səylərini dəstəkləyir. Trend-in məlumatına görə, bunu cümə günü Bakıda jurnalistlərə Yunanıstan parlamentinin deputatı, sabiq xarici işlər naziri və ATƏT-in keçmiş sədri Dora Bakoyannis deyib.
"Yunanıstan və Azərbaycan arasındakı münasibətlər əladır, ölkələr arasında səmərəli əməkdaşlıq mövcucddur", - Bakoyannis bildirib.
Onun sözlərinə görə, bu münaqişənin ATƏT MQ və beynəlxalq ictimaiyyətlə birlikdə həllinin axtarışına çalışmaq lazımdır.