Azərbaycan, Bakı, 24 oktyabr /Trend, müxbir S.Ağayeva/
Ermənistan Prezidenti Serj Sarkisyan anlamalıdır ki, insanlıq əleyhinə cinayət cəzasız qalmayacaq. Trend-in məlumatına görə, bu barədə çərşənbə günü Azərbaycan XİN-in mətbuat katibi Elman Abdullayev brifinqdə bəyan edib.
"Bu əməli törədənlər beynəlxalq məhkəmə qarşısında dayanacaqlar. Sarkisyanın Ermənistanın işğal etdiyi ərazilərə səfəri bütün beynəlxalq hüquqların pozulmasıdır", - Abdullayev deyib.
Qeyd edək ki, Ermənistan Prezidenti Serj Sarkisyan oktyabrın 22-də işğal olunmuş Dağlıq Qarabağa gedib.