Azərbaycan, Bakı, 24 fevral /Trend/
Fevralın 24 - də Türkiyənin ərəbcə yayımlanan TRT ərəb telekanalında Xocalı faciəsinə aid, " Sərhədsiz" adlı proqram yayımlanıb. Xocalı faciəsinə həsr olunan proqramda Türkiyədən tanınmış siyasi icmalçı Müstafa Özcan, Türkiyədə fəaliyyət göstərən Azərbaycan Yurddaşlar dərnəyinin idarə heyətinin üzvü Vüqar Nəcməddin və Trend İA-nın ərəb xəbərlər departamentinin rəhbəri Rufiz Hafizoğlu iştirak ediblər.
Bir saat davam edən proqramda, Xocalı faciəsi, ermənilərin Dağlıq Qarabaqda törətdiyi vəhşiliklər haqqında məlumatlar dünya ictimaiyyətinin diqqətinə çatdırılıb.