Azərbaycan, Bakı, 26 fevral /Trend, müxbir R.Hafizoğlu/
Türkiyənin xarici işlər naziri Əhməd Davudoğlu Xocalı faciəsinin hər zaman yaddaşlarda qalacağını bildirib. Trend xəbər verir ki, bu barədə Davudoğlu öz rəsmi Twitter səhifəsində məlumat yayıb.
XİN rəhbəri onu da bildirib ki, Xocalı faciəsi sadəcə azərbaycanlı qardaşlarımızın deyil, eyni zamanda Anadolu türkünün də faciəsidir.
Qeyd edək ki, 1992-ci il fevralın 26-da Ermənistan hərbi birləşmələri 7 min əhalisi olan Xocalı şəhərində soyqırım aktı həyata keçirdi. Xocalı soyqırımı zamanı 613 nəfər öldürüldü, 1000 nəfər müxtəlif yaşlı dinc sakin aldığı güllə yarasından əlil oldu. 106 nəfər qadın, 63 azyaşlı uşaq, 70 qoca qətlə yetirildi. 8 ailə tamamilə məhv edildi, 25 uşaq hər iki valideynini, 130 uşaq isə valideynlərindən birini itirdi. Faciə baş verən gecə 1275 nəfər dinc sakin əsir götürüldü, onlardan 150 nəfərin taleyi indi də məlum deyil.