Azərbaycan, Bakı, 10 sentyabr /Trend, müxbir İlkin İzzət/
Beynəlxalq Qızıl Xaç Komitəsinin (BQXK) nümayəndələri bir müddət öncə Azərbaycanın Qazax rayonunda sərhədi keçən Ermənistan vətəndaşına baş çəkiblər. Bu barədə Trend-ə BQXK-nın Bakı nümayəndəliyinin İctimaiyyətlə əlaqələr şöbəsinin rəhbəri İlahə Hüseynova məlumat verib.
İ.Hüseynova deyib ki, görüş sentyabrın 8-də baş tutub.
BQXK nümayəndələri saxlanılan şəxsin ailə üzvlərini və Ermənistan hakimiyyətini görüş barədə məlumatlandırıblar.
Qeyd edək ki, avqustun 26-da Ermənistan vətəndaşı, 1961-ci il təvəllüdlü Ananyan Sarkis Norikoviç Azərbaycan-Ermənistan dövlət sərhədini pozaraq qeyri-qanuni olaraq ölkəmizin ərazisinə keçib.