Azərbaycan, Bakı, 17 fevral /Trend/
Ermənistan prezidenti Serj Sarkisyan Yerevanda regional səfərdə olan ATƏT-in Minsk qrupunun həmsədrləri Ceyms Uorlik (ABŞ), İqor Popov (Rusiya), Pyer Andryö (Fransa) və ATƏT-in fəaliyyətdə olan sədrinin şəxsi nümayəndəsi Anji Kaspişiki qəbul edib.
Trend-in Ermənistan mətbuatına istinadən verdiyi məlumata əsasən, vasitəçilər Bakıda keçirdikləri görüşlər barədə təəssüratlarını bölüşüblər, danışıqların hazırkı mərhələsində mövcud olan problemlər və gələcək addımlarla bağlı məsələləri müzakirə ediblər.