Azərbaycan, Bakı, 21 may /Trend/
Azərbaycan Dağlıq Qarabağ münaqişəsinin nizamlanmasında Rusiyanın vasitəçiliyinə ümid edir, çünki Rusiya regionda nüfuzlu ölkədir və onun mövqeyindən, təsirindən çox şey asılıdır.
Trend-in məlumatına görə, bunu Azərbaycanın Rusiyadakı səfiri Polad Bülbüloğlu "Rossiya 24" telekanalına müsahibəsində deyib.
P.Bülbüloğlu vurğulayıb ki, Rusiya onsuz da ATƏT-in Minsk qrupunun həmsədridir: "Rusiya Federasiyası regionun ən böyük və nüfuzlu ölkəsidir".
Səfir qeyd edib: "Bizim yeganə problemimiz Dağlıq Qarabağ münaqişəsidir. Münaqişənin sülh yolu ilə nizamlanacağına inanırıq. Bu, Azərbaycan və Ermənistan xalqları, eləcə də Rusiyanın rifahı üçündür ki, Cənubi Qafqazda sülh, əmin-amanlıq və çiçəklənmə olsun".