...

23 il Ağdamsız...

Ermənistan-Azərbaycan münaqişəsi Materials 23 İyul 2016 10:29 (UTC +04:00)
Bu gün Azərbaycanın Ağdam rayonunun işğalından 23 il keçir.
23 il Ağdamsız...

Bakı. Trend:

Bu gün Azərbaycanın Ağdam rayonunun işğalından 23 il keçir.

Trend-in məlumatına görə, 1993-cü il iyulun 23-də Ermənistan silahlı qüvvələri tərəfindən Ağdam rayonu ərazisinin böyük hissəsi işğal olunub. Ərazisi 1094 kv.km olan Ağdamın 882 kv.km-i, bir şəhər və 80 kəndi işğal olunub. İşğal nəticəsində 128 min insan məcburi köçkün həyatını yaşayır. Onların 17 mini yaşlı nəslin nümayəndəsidir.

Ermənistan silahlı qüvvələri tərəfindən Azərbaycanın Ağdam rayonunun işğalı nəticəsində 6 milyard 179 milyon dollar məbləğində ziyan dəyib. Təkcə kənd təsərrüfatı sahəsinə dəyən ziyan 992,8 milyon manat dəyərindədir. Ağdam uğrunda gedən döyüş zamanı 6 mindən çox insan şəhid olub.

Hazırda əhalinin sayında 10%-ə qədər artım var. Ağdamdan olan məcburi köçkünlər Azərbaycanın 59 rayonunun 875 yaşayış məntəqəsində məskunlaşıb.

Məqalədə:
Xəbər lenti

Xəbər lenti