Bakı. Səba Ağayeva - Trend:
İslam Əməkdaşlıq Təşkilatının (İƏT) Təmas qrupu Nyu-Yorkda BMT Baş Assambleyasının sessiyası çərçivəsində Ermənistan-Azərbaycan, Dağlıq Qarabağ münaqişəsinin tənzimlənməsi məsələsini müzakirə edəcək.
Trend bu barədə təşkilatın saytına istinadən məlumat verir.
Müzakirələr sentyabrın 19-u BMT-də keçiriləcək.
İƏT Təmas qrupunun Ermənistanın Azərbaycana təcavüzü ilə bağlı birinci iclası BMT-nin 72-ci Baş Assambleyasında ümumi debatlar zamanı xarici işlər nazirləri səviyyəsində ayrıca bir tədbir kimi keçiriləcək.