Bakı. Hüseyn Vəliyev - Trend:
Cəbrayıl rayonunun işğaldan azad edilmiş Cocuq Mərcanlı kəndinin telekommunikasiya infrastrukturunun genişləndirilməsi üzrə işlərin növbəti mərhələsi başa çatır.
Bu barədə Trend-ə ölkənin telekommunikasiya bazarındakı mənbə məlumat verib.
Kənd ərazisində telekommunikasiya infrastrukturunun yaradılması üzrə əsas işlər həyata keçirilib. Kəndə 10 kilometrə yaxın optik xətt çəkilib.
Bundan başqa, Cocuq Mərcanlıda kabel-kanalizasiya qurğuları, lokal şəbəkə infrastrukturu yaradılıb və ATS işə salınıb.
Qeyd edək ki, ilkin mərhələdə 50 ev, məktəb və dövlət əhəmiyyətli obyekt telefonlaşdırılıb və şəbəkəyə qoşulub.