ABŞ-da 2006-cı ilin martın sonunda Dağlıq Qarabağ probleminin nizama salınması üzrə hər hansı danışıqların aparılması planlaşdırılmır. Martın 24-də Azərbaycanın ABŞ-dakı səfirliyinin siyasi məsələlər üzrə müşaviri Tahir Kərimov Ermənistanın XİN başçısı Vardan Oskanyanın Vaşinqtona səfəri çərçivəsində Ermənistan-Azərbaycan münaqişəsinin həlli üzrə danışıqlar və ya məsləhətləşmələrin keçirilməsi imkanını şərh edərkən bu barədə Trend ə bildirib.
"Mənə məlumdur ki, Ermənistanın XİN başçısı martın 28-də Vaşinqtona "Minilliyin çağırışları" proqramı ilə bağlı məsələlərin müzakirə edilməsi üçün gələcək və Azərbaycan tərəfi ilə hər hansı əlaqələr nəzərdə tutulmur"-deyə T.Kərimov bildirib.
Qeyd edək ki, bundan öncə bəzi KİV Ermənistan və Azərbaycan XİN başçılarının görüşü barədə məlumat yayıb. Məlumatlara görə, görüş martın sonunda Vaşinqtonda keçirilməli idi.