Ermənistan ordusunun birləşmələri qoşunların təmas xəttində atəşkəsi yenidən pozub. Trend in bölgə müxbirinin verdiyi məlumata görə, erməni hərbi birləşmələri Ağdam rayonun işğal altında olan Yusifcanlı kəndindən axşam saat 04:30-dan başlayaraq Azərbaycan Silahlı Qüvvələrinin üzbəüz mövqelərini yarımsaat ərzində fasilələrlə avtomat silahından atəşə tutub. Ölən və yaralanan yoxdur. Hazırda cəbhə xəttində nisbi sakitlikdir.