Azərbaycan, Bakı / Trend müxbir S.İlhamqızı/ Böyük Quruluş Partiyasının (BQP) oktyabrın 28-də keçiriləcək Ali Məclisində partiyanın prezidentliyə namizədi rəsmən elan olunacaq. Bu barədə şənbə günü Trend ə BQP-nin sədri Fazil Qəzənfəroğlu məlumat verib.
Qəzənfəroğlunun sözlərinə görə, partiya üzvləri prezident seçkilərində onun namizədliyini irəli sürmək niyyətindədir.
O, əlavə edib ki, BQP-nin gələn il Azərbaycanda keçiriləcək prezident seçkilərində öz namizədi ilə iştirak etmək qərarı var. Oktyabrın 28-də isə Qəzənfəroğlunun partiyanın namizədi olması barədə qərar veriləcək.
Müxalifətyönlü BQP 2004-cü ildə yaradılıb, 2005-ci ildə dövlət qeydiyyatına alınıb. Partiyanın sədri Fazil Qəzənfəroğlu Milli Məclisin deputatıdır.