Azərbaycan, Bakı / Trend , müxbir K.Zərbalıyeva/ "Yeni il" şənliklərinin keçirilməsi ilə əlaqədar paytaxtın mərkəzi küçələrində bayram günləri avtomobillərin hərəkəti müvəqqəti məhdudlaşdırılacaq.
Daxili İşlər Nazirliyindən cümə axşamı Trend ə verilən məlumata gorə, "Azadlıq" meydanı istiqamətindəki küçələrdə dekabrın 31-i saat 18.00-dan sonra hərəkət dayandırılacaq. Hazırda avtomobillərin hərəkət edəcəyi istiqamətlər müəyyənləşdirilir.
DİN-dən bildirilib ki, bununla bağlı ictimaiyyətə geniş məlumat veriləcək.
Dekabrın 31-də respublika səviyyəsində bayram şənliyinin keçirilməsi nəzərdə tutulub.