Azərbaycan, Bakı, 01 aprel mart / Trend , müxbir İ.Əlizadə/ Azərbaycan parlamenti MDB-yə üzv ölkələr arasında humanitar əməkdaşlıq sahəsində tədbirlərin və layihələrin maliyyələşdirilməsi məqsədi ilə Dövlətlərarası Humanitar Əməkdaşlıq Fondunun yaradılmasını nəzərdə tutan müqaviləni təsdiq edib. "Yaradılacaq Fond dövlətlərarası-qeyri kommersiya təşkilatıdır və əsas məqsədi gəlir əldə etmək deyil", -deyə Azərbaycan parlamentinin çərşənbə axşamı keçirilən iclasında iqtisadi siyasət daimi komissiyasının sədri Ziyad Səmədzadə bildirib.
"MDB Dövlətlərarası Humanitar Əməkdaşlıq Fondunun yaradılmasıhaqqında" müqavilə quruma üzv olan ölkə prezidentlərinin 2006-cı ilin may ayının 25-də Düşənbədə keçirilən sammitində imzalanıb.
Fondun fəaliyyətini, icraçı direktorun və əməkdaşların əmək haqqını MDB-yə üzv olan ölkələr maliyyələşdirəcəklər. Lakin Azərbaycan Fondun maliyyələşdirilməsində iştirak etməyəcək.
Fond Moskva şəhərində yerləşəcək.
Məqalə müəllifi ilə əlaqə ünvanı: [email protected]