Azərbaycan, Bakı, 07 aprel / Trend ? müxbir C.Babayeva/ Müxalifəti təmsil edən Azərbaycan Milli Demokrat Partiyası (AMDP) və Azadlıq partiyasının birləşib birgə fəaliyyət göstərməsi mümkündür. Bu fikri bazar ertəsi Trend -a Azadlıq partiyasının sədri Əhməd Oruc bildirib.
Hər iki partiya Demokratiya Uğrunda İttifaq (DUİ) və Demokratik Seçki Mərkəzində təmsil olunur.
Orucun sözlərinə görə, Həmidov kimi siyasi fiqurun siyasətdən getməsi DUİ-nin fəaliyyətinə ciddi təsir göstərəcək.
"Azərbaycanda milli-demokratik dəyərlərin əsas daşıyıcısı olan İsgəndər bəyin siyasətdən uzaqlaşmasından sonra DUİ əvvəlki gücündə olmayacaq",- deyə Oruc qeyd edib.
Partiya sədrinin sözlərinə görə, partiyaların birləşməsi ilə bağlı müzakirələr çoxdan aparılır.
"Hər iki partiyanın platforma və prinsipləri eyni olduğundan, partiyaların birləşməsi mümkündür",- deyə Oruc qeyd edib.