Azərbaycan, Bakı, 08 iyul/ Trend , müxbir E.Tariverdiyeva /
Azərbaycan ilin sonuna kimi Azərbaycan və Rusiya sərhədlərinin delimitasiya prosesinin tamamlanacağına əmindir. Bu barədə çərşənbə günü jurnalistlərə Azərbaycan XİN-in 90 illiyinə həsr olunmuş beynəlxalq konfransda Azərbaycan xarici işlər nazirinin müavini Xələf Xələfov bildirib.
"Prezident Medvedyevin Azərbaycana səfəri çərçivəsində biz dövlət sərhədləri məsələsi üzrə müəyyən aydınlığın mövcud olduğunu gördük", - deyə nazir müavini bildirib.
Gürcüstan-Azərbaycan sərhədlərinin delimitasiyasına gəldikdə isə Xələfov bildirib ki, burada bir çox açıq məsələlər mövcuddur.
Məqalə müəllifi ilə əlaqə ünvanı: [email protected]