Gürcüstan, Tbilisi, 27 iyul / Trend , müxbir N.Kirtsxaliya /
Kutaisidə baş verən, dörd jurnalistin ölümü ilə nəticələnən faciəvi yol nəqliyyat hadisəsinin təqsirkarı polisə təslim olub. O, 31 yaşlı Revaz Tkeşelaşvilidir.
Avtomobil qəzası dünən axşam Aqmaşenebeli prospektinin Ninoşvili küçəsi ilə kəsişməsində baş verib. "Rioni" teleşirkəti jurnalistlərinin hərəkət etdiyi avtomobil arxadan vurulub. Qəzadan sonra sürücü hadisə yerindən qaçıb.
Yol nəqliyyat hadisəsində "Rioni" teleşirkətinin informasiya xidmətinin rəhbəri Niko Qiqaşvili, xəbər aparıcısı Qeorqi Mqaloblişvili, jurnalist Coni Kublaşvili və operator Dato Avaliani həlak olub.