Yunanıstan, Afina, 01 dekabr / Trend , müxbir E.Hüseynov/
ATƏT Avropadakı "dondurulmuş münaqişələr"in nizamlanmasına dair cəhdlərini aktivləşdirməlidir. Bu barədə ATƏT-in Xarici İşlər Nazirləri Şurasında çıxış edən Fransanın XİN rəhbəri Bernar Kuşner çərşənbə axşamı deyib. Məlumatı Trend -un Afinadakı xüsusi müxbiri bildirib.
Gürcüstanda baş verən sonuncu hadisələr zamanı ATƏT-in cəhdlərinin iflasa uğramasını nəzərə alaraq, "dondurulmuş münaqişələr"in nizamlanmasında öz rolumuzu aktivləşdirməyimiz lazımdır", - Kuşner deyib.
Onun sözlərinə görə, Fransa Rusiyanın Avropada təhlükəsizliyə dair yeni təşəbbüsünü dəstəkləyir. Yeni təşəbbüsün bəndlərindən biri də regionda münaqişələrin nizama salınmasıdır.