Azərbaycan, Bakı, 03 dekabr / Trend , müxbir M.Əliyev/
Azərbaycanda keçiriləcək bələdiyyə seçkisi ilə bağlı Mərkəzi Seçki Komissiyasında (MSK) 411 yerli müşahidəçi qeydə alınıb.
MSK-nın mətbuat xidmətindən cümə axşamı Trend -a bildiriblər ki, öz təşəbbüsü əsasında 377, xüsusi icazə almış 15 müşahidəçi qeydə alınıb.
Siyasi partiyalar tərəfindən irəli sürülən 5 müşahidəçi qeydə alınıb ki, bunlardan 4-ü Yeni Azərbaycan, biri isə Kommunist partiyasına aiddir.
Qeyri-hökumət təşkilatlarının təşəbbüsü ilə 14 müşahidəçi qeydə alınıb.
Dairə seçki komissiyalarında (DSK) qeydə alınmış müşahidəçilərin sayı isə 4 621 nəfərdir.
Siyasi partiyalar üzrə 1999, öz təşəbbüsü əsasında 2257, qeyri-hökumət təşkilatlarının təşəbbüsü ilə 365 yerli müşahidəçi qeydə alınıb.
Azərbaycanda bələdiyyə seçkisi dekabrın 23-də keçiriləcək.
Məqalə müəllifi ilə əlaqə ünvanı: [email protected]