Azəbaycan, Bakı, 10 avqust / Trend , müxbir K.Zərbalıyeva/
Azərbaycanın NATO ilə Fərdi Tərəfdaşlıq üzrə Əməliyyat Planının (IPAP) üçüncü mərhələsi çərçivəsində 170 tədbir keçiriləcəyi planlaşdırılır, Trend -un məlumatına görə, bunu cümə axşamı keçirdiyi brifinqdə Müdafiə Nazirliyinin mətbuat xidmətinin rəhbəri Eldar Sabiroğlu bildirib.
NATO dairələrində Azərbaycanın 2010-cu ildən etibarən alyansla daha yaxın əməkdaşlıq etməsi yollarını aramağa başlayıblar. IPAP-ın ikinci mərhələsi 2008-2009-cu illəri əhatə edib. 2010-cu ildən etibarən Bakı ilə Brüssel arasında əməkdaşlıq konturlarının genişlənəcəyi, qarşılıqlı səfərlərin artacağı gözlənilir. Ekspertlərin fikrincə, Azərbaycan NATO qarşısında götürdüyü öhdəlikləri vaxtında və keyfiyyətlə yerinə yetirsə, onda 2013-15-ci illər arasında onun NATO-ya üzvlüyünə münbit şərait yarana bilər.
Sabiroğlu deyib ki, üçüncü mərhələ üzrə danışıqlar gələn ilin mart-aprel aylarında başlanacaq. Bu mərhələdə NATO ilə hərbi-texniki əməkdaşlıq da nəzərdə tutulur.
Məqalə müəllifi ilə əlaqə ünvanı: [email protected]