Azərbaycan, Bakı, 14 dekabr / Trend , müxbir A.Hüseynbala/
Azərbaycanın müxalifət partiyası hesab edir ki, ABŞ Konqresinin Dağlıq Qarabağa yardım ayırması dolayısı ilə separatizmi dəstəkləməkdir.
"Konqresin humanitar yardım adı altında Dağlıq Qarabağın erməni icmasına 8 milyon dollar vəsait ayırması ABŞ-ın separatizmi dolayısı ilə dəstəkləməsinin göstəricisidir", - Trend -un məlumatına görə, bazar ertəsi Azərbaycan Demokrat Partiyasının (ADP) İdarə Heyətinin iclasında bildirilib.
Trend -un arayışı: Dekabrın 8-də ABŞ Konqresinin Senat və Nümayəndələr Palatası üzvlərinin birgə konfransında ABŞ dövlət qurumlarının 2010-cu maliyyə ili üzrə büdcələri barədə ümumiləşdirilmiş qanun layihəsi qəbul edilib.
Müxalifət partiyası hesab edir ki, ABŞ-ın bu addımı onun ATƏT-in Minsk qrupunun həmsədri kimi Dağlıq Qarabağ münaqişəsinin nizamlanması prosesində vasitəçilik missiyasına uyğun gəlmir.
Sаğ təmаyüllü partiya olan ADP 1991-ci ildə Sərdar Cəlaloğlu tərəfindən təsis edilib. Partiya 2007-ci ilin yanvarınadək iqtidara qarşu radikal müxalif mövqedə olub. 2008-ci ilin yanvarında ADP-nin hakimiyyətlə dialoq qurulması ilə bağlı yeni siyasi kursu qəbul edilib. Buna etiraz olaraq keçmiş sədr Rəsul Quliyev və tərəfdarları ADP-dən imtina edərək özlərinin Açıq Cəmiyyət Partiyasını yaradıblar.
Məqalə müəllifi ilə əlaqə ünvanı: [email protected]