Azərbaycan, Bakı, 15 dekabr / Trend , müxbir M.Əliyev/
Azərbaycan əhalisinin 70-80 faizi bələdiyyələrin fəaliyyətindən razı deyil. Bu barədə Azərbaycanda Regional İnkişaf Mərkəzinin rəhbəri Çingiz İsmayılov deyib.
Bələdiyyələrin işində əsas qüsur yerli əhali ilə sıx əlaqədə olmaması və əməkdaşların qeyri-peşəkar olmasıdır. "Bələdiyyələrin fəaliyyətinin on illiyi: yaranma və inkişaf problemləri" layihəsi çərçivəsində Abşeron, Quba və Tərtər rayonlarında keçirilən sosioloji sorğunun nəticəsi üzrə çərşənbə axşamı təşkil olunmuş "dəyirmi masa"da İsmayılov deyib.
"Bələdiyyələrin problemlərinin həll edilməsi üçün maliyyə mənbələrini genişləndirmək lazımdır", - İsmayılov hesab edir.
Vətəndaş Cəmiyyətinin İnkişafına Yardım Assosiasiyasının eksperti Tofiq Vüqarlı deyib ki, hazırda bələdiyyələr yerli icra hakimiyyəti orqanları ilə hakimiyyəti bölürlər. Onun sözlərinə görə, bələdiyyələrin 62 faizinin inzibati binası yoxdur. "Hesab edirəm ki, bələdiyyələrin səlahiyyət və maliyyələşdirilməsini genişləndirmək lazımdır", - o deyib.
"Bələdiyyələrin fəaliyyətinin on illiyi: yaranma və inkişaf problemləri" layihəsi çərçivəsində sorğu Regional İnkişaf Mərkəzi tərəfindən yuxarıda adları çəkilən rayonların hər birində 500 min sakin arasında keçirilib.
Dekabrın 23-də Azərbaycanda növbəti bələdiyyə seçkiləri keçiriləcək.
