Azərbaycan, Bakı, 28 dekabr / Trend , müxbir A.Hüseynbala/
Azərbaycan Parlamentində vergi orqanlarının on illiyinə həsr olunan yubiley medallarının təsis edilməsi ilə bağlı layihə təsdiq olunub
"Azərbaycan Prezidenti İlham Əliyevin təşəbbüsü ilə parlamentə daxil olan layihədə vergi orqanlarının on illiyi münasibətilə üç yubiley medalının qəbul edilməsi ilə bğlı layihə daxil olub", - Trend -un məlumatına görə, çərşənbə axşamı Milli Məclisin Hüquq siyasəti və dövlət quruculuğu komitəsinin sədri Əli Hüseynov bildirib.
Hüseynovun sözlərinə görə, layihədə "Vergi orqanlarının on illik yubilley", "Vergi orqanlarında xidmətdə fərqlənməyə görə" və "Vergi orqanları ilə səmərəli əməkdaşlığa görə" medallarının təsis edilməsi nəzərdə tutulub.
Komitə sədri deyib ki, bu medallarla vergi orqanlarının əməkdaşları və qanunvericilikdə nəzərdə tutulan digər şəxslər mükafatlandırılacaqlar.