Azərbaycan, Bakı, 22 yanvar/ Trend /
ABŞ-la birgə Qəbələ RLS-dən istifadə təklifi qüvvədə qalır, lakin bu məsələ raket təhlükələrinin birgə müəyyənləşdirilməsindən sonra həll ediləcək. Bu barədə RF-nin XİN rəhbəri Sergey Lavrov 2009-cu ildə Rusiya diplomatiyası işlərinin yekunu üzrə keçirilən mətbuat konfransında deyib. Məlumatı "Vesti" telekanalı yayıb.
"İlkin olaraq, konkret hansı rayonlarıb risk altında olduğunu müəyyən etmək lazımdır. Bundan sonra isə RF digər dövlətlərin iştirakı ilə bu təhlükələri diqqətlə izləmək üçün hansı hərbi-texniki vəsaitlərin mövcud olması, lazım olduqda onları diplomatik və iqtisadi metodlarla dəf etmək barədə düşünəcək", - nazir deyib.
Nazirin sözlərinə görə, yalnız bundan sonra RLS-in hansı vasitələrini hansı rayonlarda istifadə etməyin vacibliyini müzakirə etmək olar.
Azərbaycanın şimal-qərbində yerləşən Qəbələ RLS sovet dövründə SSRİ-nin raket əleyhinə sisteminin ən vacib elementi kimi tikilib. Azərbaycan müstəqillik əldə etdikdən və RLS onun mülkiyyətinə keçdikdən sonra Rusiya, Azərbaycanın daxili siyasi vəziyyətinə baxmayaraq, stansiyadan istifadəni davam etdirib.