Azərbaycan, Bakı, 22 yanvar / Trend , müxbir S.Ağayeva/
Azərbaycan Haitidə zəlzələdən əziyyət çəkən insanlara 500 min dollar yardım ayırıb. Məbləğ BMT-nin bu məqsədlə açılan hesabına köçürüləcək və təşkilatın rəhbərliyi ilə paylanacaq. Bu barədə XİN-in rəsmi nümayəndəsi Elxan Poluxov Trend -a deyib.
Haiti hakimiyyətinin məlumatına görə, yanvarın 12-də baş verən təbii fəlakət nəticəsində 1,5 milyon insan evsiz-eşiksiz qalıb. Zəlzələ 100 mindən artıq insanın ölümünə səbəb olub. Zərərçəkənlərin ümumi sayı isə 3 milyona çatır.